Ramiz Qusarçaylı -  Anama

Ədəbiyyat 14:05 / 15.12.2025 Baxış sayı: 512

 

Ruhun şad olsun, anam!

 

Ürəyim üstündə şam bənövşəsi,

Ayrı nəyim var ki, yanası,

anam.

Sənsən gülşənimin qəm bənövşəsi

Sənsən göz yaşımın sonası,

anam.

Ovunmaz bu dərdim hər simin üstə,

Qar üstdən qar yağır səbrimin üstə,

Elə ağlayardım qəbrinin üstə,

Qorxdum ki, uçular binası,

anam...

Bu zalım fələyin üzü ağ olsun,

Dağı düzdə qalsın, düzü dağ olsun,

Sevməyən kim varsa canı sağ olsun

Məni sevənlərin anası, anam...