Səhərin qəsdinə çıxıb gecələr ,

Sübh çağı dan yeri boyanıb qana .

İşıq dirəyidir yaxşı adamlar ,

Ziya daşıyırlar hər bir insana .

Gecəyə bənzəyir kölgə adamlar ,

Yoxdur"salam" ərzi , "əlvida"dərdi .

Gecə tək gizlədər günahlarını ,

Qaranlığın ömrü sübhə qədərdir .

Soyuq dərə kimi açılmaz buzu ,

Dilində yalançı yaz bitər hər an ,

Barlı ağaclara kölgə olarlar ,

Fəqət öz meyvəsi olmaz heç saman .

Ən saf meyvələri qurdlar seçərlər.

Sevən ürəklərdə dərd yuva bağlar.

Bütün aləmlərin dərdini çəkən ,

Allahçün ağlayar tənha ağaclar .

Həqiqət ən uca dağa bənzəyir ,

Onu da hər yandan uçurum sökür .

Kökümuzdən gəlir qan ilə əxlaq .

"Tufanda sınanır ağacın kökü " .

13.06. 26