Arzu Əsəd : - Harda bu nəğməni eşitsən
Ədəbiyyat
11:43 / 02.08.2025
Baxış sayı: 2001
Harda bu nəğməni eşitsən
donacaqsan,
elə durduğun yerdə çəkəcək səni xatirələr,
anacaqsan.
Adamlar keçəcək yanından,
kimi baxıb güləcək,
kimi "olur" deyəcək,
sən başqa dünyalarda,
sən çox-çox uzaqlara dalğın,
bu qədər adam içində tənha-tək...
Birdən nəğmə kəsiləcək,
sən şaşqın, sən durğun,
baxacaqsan soluna-sağına,
sonra gülümsəyərək
çıxıb gedəcəksən qayğılarına.
