Azərbaycan Respublikası Mədəniyyət Nazirliyi və Teatr Xadimləri İttifaqının birgə təşkilatçılığı ilə " Zəfərimiz-- Şərəfimiz" adlı bədii qiraət müsabiqəsinə yekun vurulub. Şanlı tariximizə qızıl hərflərlə yazılan 44 günlük Vətən müharibəsində qazanılan qələbəmizin 4- cü ildönümünə həsr olunan bu mötəbər tədbir Baki şəhərində keçirilib.

Musabiqədə Vətənə, Şanlı Zəfərin qazanılmasında canlarını fəda edən şəhidlərimizə ithaf olunan, onların qəhrəmanlıqlarını, igidliklərini vəsf edən ədəbi nümunələr bədii qiraət olunub.

Müsabiqədə muxtar respublikamızı Naxçıvan Dövlət Mİlli Dram Teatrının aktyorları təmsil ediblər. Aktyorlardan - Nəsimi Məmmədzadə, Zakir Fətəliyev və Şölə Novruzova fəal, uğurlu çıxışlarına görə təşkilatçıların təsis etdikləri diplomlara layiq gorülüblər.

Biz də teatr kollektivi adından təmsilçilərimizi təbrik edir, uğurlar diləyirik.