Xəyalə  Sevil -  Sabaha qədərdi bu günün ömrü

Ədəbiyyat 20:25 / 16.08.2026 Baxış sayı: 376

Sabaha qədərdi bu günün ömrü,

Nolar, sıxılaram bu aralıqda.

Sonra kimsə gələr, ya nəsə olar,

Təzə həyatlar qurular

Köhnə xarabalıqda.

Hərə bir tərəfdən getsin,

Qoy bir az azaltsın məni.

Kimin əlindəyəmsə,

Lap uzağa atsın məni.

Geri qayıda bilməyim,

Mən özümü tanıyıram, İlahi,

Öldür içimdəki mərhəmətimi,

Diri qayıda bilməyim.

Bu nə ilkdi, nə də sondu,

Hələ ömür var qabaqda.

Axx, məni incidən nəsnə,

Axx, məni ağrıdan adam,

Bax daa!