ağacda bir yuva kimi

xəyal qur, bir anı yaşa.

yaşamaya-yaşamaya

keçirtdin ömrünü, yaşa...

fikir içində vaxt keçir,

xəyalındakı işi gör...

bax, qolaylanıb üstünə

kimdi atan o daşı, gör...

yeməyini haram edən,

içdiyinə zəhər qatan

heç bəlkə də bir əl deyil,

ağır keçən həyat, zaman...

hesab sora da bilmirik,

üstünə gəlin, ya çıxın;

kimə deyəsən bu, ağdı,

bu da ki, qara, bir baxın...

bir anlıq xəyala gedib

hansı düyünü açasan...

axı, bir çətin sualın

cavabı da deyil asan...

bir qarışqa yolu tutub

ruzi haqda düşündünmü...

yedirtdiyin çörəyin heç

duzu haqda düşündünmü...

kömür ilə əlləşən də

saçlarına ağ düşürür.

yaşıldı ömür ağacı,

ancaq hey yarpaq düşürür...

tapdayıb qərinələri

gəlib sənə çatan dərd var.

sayı yüzü, mini ötən

sanki elə bir namərd var...

Xeyir şərin izi ilə

getməz ki, dönər sağ-sola;

birdən açar gözlərini,

odda ikən qalar dona...