Dolu-dolu buludlarda olma, hey...

Şirin-şirin yuxularda qalma, hey...

Bu həyatın anlamını gey də, gəl...

Bilinməyən yurda məskən salma, hey...

Yavaş-yavaş dirilənlər bardı, hey...

Şimşək-şimşək çaxılanlar vardı, hey...

Bütün bağlı qapıları döy də, gəl...

Nə olsun ki, dünya bizə dardı, hey...

Koma-koma dağılanın yoldu, hey...

Gizli-gizli boğulanın boldu, hey...

Artıq yerə qovuşacaq göy də, gəl...

Ağa yoxdu, indi hamı quldu, hey...

Damla-damla dolub-daşan göldü, hey...

Zərrə-zərrə hər gün bizi böldü, hey...

Həm varını, həm yoxunu söy də, gəl...

Burda biri gizlənməkdən öldü, hey...

Qurtum-qurtum udulan da qandı, hey...

Dözə-dözə qıvrılan da candı, hey...

Xəbər gətir, öz dünyanı öy də, gəl...

Samanlıqda bütün çöplər yandı, heeeey...