Ananın nəri - şəhid,

Bacının şiri - şəhid.

Bir gözəlin sevgisi,

Qəhrəman əri - şəhid.

Oğulun xası - şəhid,

Bacı arxası - şəhid.

Qiyamətə qalmasın,

Elin qisası, şəhid.

Qardaş bacının piri,

Adı dillər əzbəri.

Şəhid qargaş məzarı,

Bacının vəfa yeri.

Şəhid, ümid mərdədi,

Qurtuluş zəfərdədi.

Cismin ana torpaqda,

Ruhunsa səngərdədi.

Ata qüruru - şəhid,

Məzarın nuru - şəhid.

Tezliklə göstərərik,

Düşmənə zoru, şəhid.

Atanın təni - şəhid,

Ananın dini - səhid.

Ancaq kasıbmı çəksin,

Vətən dərdini, şəhid?

Ağrıyır haran, şəhid,

Sağalar yaran, şəhid.

Bütöv Vətən olarıq,

Ruhu nigaran, şəhid.