Yadındamı…

Novruz qabağı,

kəhrizin üstündə,səhəng çiynimdə,

Sənin çox sevdiyin

Güllü don əynimdə dayanmışdım,

Sən qürurunu sinənə bərk-bırk sıxıb

qoz ağacına sığınmışdın,

Mən də həyama, ismətimə,

Gendən baxırdım , utancaq qismətinə!

Yadındamı…

O gün bizi islatmışdı yağan yağışlar,

Gözlərimizi yormuşdu gizli baxışlar.

Səhəngim suda dolub ,

daşmışdı o ki, var,

Sevgi şərqisi ozuyurdu sular.

Qızların pıçıltılarını

Unutmuşduq,o gün biz,

Kəhriz üstdə heykələ dönmüşdük

hər ikimiz .

İslaq saçlarımı, oynadırdı

bahar yeli,

Bizi axıdırdı sevgi seli.

Yadındamı…

Adımızı cızdığımız əyri budaq,

syrılıq olmasın deyə

başını sulara əymişdi

utancaq-utancaq.

Budaq da, kəhriz də, şahid idi bizə,

Əl çalıb ,oynayırdılar sevgimizə.

O günlər geri qayıdaydı,

Sular ayrilığı aramızdan

alıb aparaydı,

Oğrun baxışlarımız ,

Kaş suların aynasında

ilişib qalaydı,

bizi yada salaydl.

Qayıt,o günlərə boylanaq hərdən,

Ürəkdə çıxarıb

silməyək xatirələrdən…