Qapına gələn yorğunam,

Hanı qapının açarı?!

Yüz yalanda bir doğrunam,

Al evinə bu naçarı.

Aç, uyuyum dizlərində,

Dizlərin savaba batsın.

Hicran gəlib izlərimdə,

Qoyma diləyinə çatsın.

Alım gözümün ağrısın,

Sonra xəyala dönəcəm.

Lap əzab məni doğrasın

Könül taxtından enəcəm.

Yox olacam dumanlarda,

Gözümdə bulud bitəcək.

Bəlkələr də, gümanlar da

Düşüb yollarda itəcək.

Varıb qeyblərin göyünə,

Yoxa, məchula çıxacam.

Kilidlənib bir düyünə,

Kəndirə boyun sıxacam.