Sən gedəni bu bir ildə

Neçə dəfə xəstələndim,

Neçə ağrının içində

Öldüm, yenə də dirildim,

Gecələri diri gözlü

nə asan açmaq olurmuş,

Danışmalı olan yerdə

içində qırıla-qırıla

necə də susmaq olurmuş

Onu da səndən öyrəndim...

Səni dinməzcə ağladım,

Dil də deyə bilmədim,

Bilsən necə dil-dil ötdü

içimdə gizlədiklərim..

Hər şeyi birtəhər unudub

Hamıyla barışmışdım axı !

O da sənə xatir... Sən gedəni

hamıyla küsmüşəm indi...

Qolu zorlu igidləri

Tək fəndlə yıxan pəhləvan!

Meydanın döşəyin oldu,

Bir sısqa həkimin

qolunu bura bilmədin,

Yenildin kor bıçağına.

Dinə bilmədim,

Heç dindirən də olmadı...

Məzarının başındayam,

Deyilməli sözlər varkən

Heç bilmirəm nə deyim...

Bağışla ay ata,

Yenə şikayətə gəldim...