Şakir Xanhüseyn : -  "Bazar" guşəsi

Ədəbiyyat 14:02 / 04.08.2025 Baxış sayı: 2522

 

***

ey işıqlı dünya,

xəyalsan, nəsən,

sanki öz başına dolanan bir pərvanəsən...

daim istəyirik , işıqda olaq,

işıqda qalaq...

Bir dəstə

kəndiri kəsilmiş

quyunun üstə...

burda divlər yatmayıb, oyaq.

burda gözəllər

divlərin dizinə baş qoyub uyuyur, bax...

ey işıqlı dünya,

işıq arzumsan,

adını çəkmək belə

qüvvədi ürəyimə.

bilirsənmi,

balalarını özü atır əjdahaların ağzına

simurq quşu;

nə qa dərdi var, nə qu...

...həmişə qaranlıqda,

ey işıqlı dünya!