Kəramət : - BİR DƏ DE...GÖRÜM Kİ, SƏN NƏ DEYİRSƏN
Ədəbiyyat
09:47 / 23.09.2022
Baxış sayı: 1713
Necə yaxşı olar arxadan vursan
əlacsız çağımda atsan-unutsan.
yalandan-palandan üzümə dursan
nələrə layiqəm, mənə tanıtsan.
axırın əvvələ daşı bu işin
göz yaşı-mözyaşı tökən deyiləm
bir yoldan keçənin qoluna girib
yoluna çıxaram, "salam" deyərəm.
şahmat taxtasında dəyişir hərşey
Tövratı, incili, Quranı tapda.
bu adam cildini son dəb kimi gey
özünün-sözünün üstündən atlan.
Ərzaq dükanında kitab satılır
iki kilo ətdən baha deyilsən.
dünənki tər çiçək bugün atılır
unutdum..
deyəsən, nəsə deyirsən.
