Əli Hacı Ağaevli  : - Haqq özü-İMANDADIR !

Ədəbiyyat 10:09 / 31.03.2026 Baxış sayı: 476

Yol getməyin yolları,

Özünə inamdadır !

Düz əməlin təməli,

Sözünə inamdadır !

 

Qəlb də böyük yük daşır,

Hər təsirə alışır !

Sevməyin ağıl,başı

Gözünə inamdadır !

 

Dilimin söz ütüsü-

Yaşamın öz ütüsü !

Ocağımın istisi,

Közünə inamdadır !

 

Suların durulması-

Yolların durulması !

Dağların dik durması,

Düzünə inamdadır !

 

Özünə inam ilə,

Sözünə inam ilə,

Gözünə inam ilə,

Haqq özü-İMANDADIR !