Bəzi naşirlərə!

Əziz dostlar, növbəti şeirlərimin birində '"bəzi" sözünün əvəzinə mənə dəfələrlə yalan satan naşirlərin adını görəcəksiniz. Xahiş edirəm ki, bir az səbrli olaq.........

Sözümmü bu qədər ucuz,

özümmü nüfuzsuz,

gedib də

mənzil başına çata bilməyən, şeirim?!

Sən mənim qəlbimin duyğusu,

gecələrimin sən bitən yerdən

başlayan yuxusu.

Bu da səhərim.

Bu da ömrüm-günüm keçən kəndim,

məndən ayrı düşən şəhərim.

Yollarım açıqdir,

fikirlərim aydın,

əllərim sərbəst.

Gözlərim yaxşı seçir

hələ ki qaradan ağı.

Ey, başımın tacı,

Azərbaycan dilim,

üç rəngli bayrağım!

Bircə özümdən, yazdıqlarımdan

xəbər-ətər yox,

xeyir xəbər yox.

Ey, canım sözüm!

Niyəsini bilmədiyim bu sorğunun

cavabını gözləməkçün

daha nə qədər səbr edim,

neçə il dözüm?!.

12. 08. 2022.