Ehtiram Ilham - Vətən
Ədəbiyyat
17:11 / 10.11.2025
Baxış sayı: 751
Belə məmləkətimi olar,
Bu necə torpaqdı, Vətən...
Çəkilən bu boyda dağnan,
Hələ anan sağdı, Vətən?
Hardan yol götürdün hara,
Can verdin dövlətə, vara.
Ağ-ağ qara sevdalara
Qara-qara ağdı Vətən.
Kim əyrini biləsidi,
Ya doğrunu görəsidi.
Bi gün bir də gələsidi,
Nə görürsən haqdı, Vətən.
Çörəyi çıxardıb daşdan,
Ehtiram hələ savaşda.
Bəlkə lap elə o başdan
Heç olmayıb, yoxdu Vətən!
10.11.25.
