Əbülfət Mədətoğlu : - Qoşma

Ədəbiyyat 08:39 / 24.05.2023 Baxış sayı: 1612

 

Yenə gecə...yenə ulduz... və xəyal

Çözdüyüm də yenə köhnə olanlar...

Davam edir gör nə vaxtdı eyni hal -

Təzələnir ürəyimə dolanlar!

 

Donub sanki, dörd tərəfdə səs, səmir

Nə yeni var, nə edilmiş bir təmir!..

Əsəblərim ola bilmir tay dəmir -

Aşındırır onu vaxtsız solanlar!..

 

Ulduz sayıb gözləyirəm mən danı,

İkimizin bir ulduzun sən tanı!

Dərdlərimlə gəlib olub tən yarı -

Ömür boyu şirin vədlər, yalanlar!..