Əbülfət Mədətoğlu : - Deyəsən

Ədəbiyyat 10:00 / 15.11.2023 Baxış sayı: 949

 

(Yarı gerçək, yarı da...)

Deyəsən ömrümün ilməsi qaçıb -

Naxışlar bir-birin vurur deyəsən...

Bir xoş an yoxdur ki, qapısın açıb -

Mənimlə üz-üzə durur! - deyəsən...

 

Xəyalın az qalır nalı qırıla,

Dərdin əlindəki yaxam cırıla...

Məni haldan salan həsrət yorula -

Fərəhlə bu eşqə Qürur! - deyəsən...

 

Salsın Tanrı bizi, salsın yadına

Söylə Şərəfinə, de ki ,adına -

Pərvanə olduğum , mələk Qadına -

Əbülfət hələ də, vurur, deyəsən!