Bəhram Bilaloğlu - Ömrümə gün yazılmayıb

Ədəbiyyat 09:20 / 02.04.2026 Baxış sayı: 1147

Ömrümə gün yazılmayıb,

Ruhum mizan gəzir hələ.

Dərinləşir fikirlərim,

Ahım nəfsə dözür hələ.

 

Qollarım nilə bənzəyir,

Əlləri lildə açıram.

Durulmayan suyum mənim,

Təbimin eşqi saçıram.

 

Qidam torpaq, gücüm eşqdir,

Yaşadan var, yaşayan var.

Ömrə vəfa eyləyənim,

Axar suyu daşıyan var.

 

Nəzərində hiss edirəm

Varlığı da, sağlığı da.

Rəng verməyə hər imkanı,

Yaratmağa dağlığı da.