Adil Şirin - YARPAQ-YARPAQ
Ədəbiyyat
14:17 / 16.08.2025
Baxış sayı: 2098
Yaşıl xatirələrim,
Qonaq gəlib bu gecə.
Məhəbbət məktubları
Vərəqlənir gizlicə -
Xatirələr yarpaq-yarpaq.
Xatirədi bu bahar,
Xatirədi bu rüzgar,
Xatirədi bu yağış...
Bu dünyada ayrılıq var,
Ayrılıq qara qarğış -
Xatirələr yarpaq-yarpaq.
Bir gün məni öz qoynuna,
Alanda qara torpaq.
Sənə əmanət qalar,
Xatirələr yarpaq-yarpaq.
Vərəqlənir bu gecə
Sənlə keçən hər anım.
Xatirələrdə qaldı,
Göz yaşım, həyəcanım.
Xatirələr yaxın-uzaq,
Xatirələr yarpaq-yarpaq.
