Xatirə Rəhimbəyli -  ÖLMƏ

Ədəbiyyat 07:22 / 28.06.2026 Baxış sayı: 543

Nə tez-tez deyirsən: “Ölürəm daha”,

Ağzından yel alsın , nə sözdü , ölmə!

Sənin ölünü də qıymazlar mənə,

Ölü diridən də əzizdi, ölmə!

 

Mənim başım çıxmaz küydən-kələkdən,

Ətrini alıram əsən küləkdən...

Adın xatirimdə güldən-çiçəkdən,

Göylərdə mələkdən təmizdi, ölmə!

 

Dilim dönməz deyəm, zalımsan, pissən,

Noolsun ki, indi əğyarla dostsan .

İlahi ülfəti min yol da pozsan,

İlahi sevgilər ölməzdi, ölmə!