Şakir Xanhüseyinli - Deyirsən..

Ədəbiyyat 14:30 / 06.06.2026 Baxış sayı: 363

***

deyirsən

həyata zidd həyatdı bizimki,

dolanışa zidd dolanışdı.

gülməyə ziddi gülüşümüz;

ziddi ağımıza ağ, qaramıza qara.

sanki bir-birimizə yaxınlaşanda da

bir-birimizin ziddinə gedirik

bir-birimizin səddini keçirmiş kimi...

birinin xeyrinə də

ziddinə danışırsan,

haqqın yerinə şəri qoyursan sanki,

xeyiri nəhy edib şəri qoruyursan...

ziddədi gəlməyimiz,

ziddədi getməyimiz,

eh, biz...

elə bil həmişə

ziddə çalışırıq, ziddə,

dua edəndə də hətta..