Amma döşəməni döşəyənlər döşəməni döşəməyə görə əvvəlcədən aldıqları pulla restoranda araqdan vurub,quzu kababından bir az öncə yaxşıca döşəmişdilər...

Əvvəllər ironiya ilə deyərdilər ki,"kişi bazarda kulok satar"...

Daha bazarda da kulok satılmır.Bəs o kişilər necoldu?!...

Korrupsiyanın "pionerləri" indi olublar dövlətin ən yüksək pensiya alan "pensionerləri"...

Qarnının qulu ( qarınqulu ) adamın mədəsi elə qarnı boyda olur,deyəsən...

Açıq-saçıq geyinənləri ittiham etməyin!

Mal satılmayanda reklam olunar...

Dərdindən xəstə düşəsən ,stasionar müalicəyə ehtiyacın ola...

Palatan onun qucağı,həkimin isə onun özü ola...

Gözlərim mənim yanımda gözü kölgəlidirlər.

İcazəm olmadan gözəlliyə baxdıqlarını görmüşəm.

Utandıqlarından üzümə baxa bilmirlər gözlərim...

"Mız elə bir şeydir ki, onu hər adama,hər bir şeyə:canlı,cansız qoymaq olur...

"Mızqoyma" bəziləri üçün gündəlik işdir.

Yamaqlı paltarlar da,cırıq şalvarlar da dəbdədir.

Çirkli paltarlar , cırıq corablar dəbə nə vaxt minər ,görəsən?

Cavanlarımız olub keçmişdə...it boğuşduranlar,xoruz döyüşdürənlər...

Bu cavanların iş -gücləri yox imiş deyəsən...

Quşbaz quşdulandı,quş buraxdı...

Ən gözəl sakitlik "qurbağanın gölünə atılan daşdan" sonra yaranan sakitlikdir...

Bəzi adamlar evləndikdən sonra ,onların ömür karvanının sarvanı arvadları olur...

"Qulaqlarına sırğa eləmir deyilənləri",çünki sırğanı qulaqlarına yox,burnuna taxır.

Meşənin bəyi "meşəbəyi" hesab olunsa da,meşədə yaşayanların öz bəyi,xanı, nökəri...olur.

Hərənin öz yolu var,hər yolun öz yolçusu.Kimin hansı yolun yolçusu olduğunu bilənlər də...

Tanıdığım şəxslərdən biri deyir ki,"azadlıqdan məhrum etdiyim nəfsimi əfv etmişəm".

"Vozduşnu" ( hava) öpüş də şirin olur,ürəkdən gələndə...Sanki insana dünyanı bağışlayırlar.

( Bir sevən gəncin dediklərindən)

Bəs həqiqi olsa...

Gələcəkdə qulağa ehtiyac qalmayacaq.Onu qulaqcıqlar ( nauşniklər) əvəz edəcək...

P.S.Yalan vədləri eşidən qulaqdansa,elə qulaqcıqlar yaxşıdır.

Gənədən saz olan Çənə ( Çingiz) Çəndirli zirzəmidəki çəlləyin çənbərini( qurşağının,həlqəsini) keçirib,sonra su çənini su ilə,köhnə "Zapı"sının yanacaq çənini yanacaqla doldurub,"Zapı"nı işə salıb,dumanlı- çənli gündə ,çənəsi işləyə-işləyə Çənlibel kəndinə yola düşdü...