=

Susuz çöllərdə də su gələr arxa,

Arxa bir dəryaça olarsa arxa.

=

Dərd əlindən boş yer yoxdur sinəmdə,

Bu sıxlıqdan dərd də bezib ,sinəm də.

=

Biri əziyyətlə ev-eşik qurdu,

Paxılın qarnında tərpəndi "qurdu".

=

Kaş ki,insan olan kəs yeməyə haram tikə,

Çalışıb halallıqla bağ sala,bir ev tikə.

=

Nə bəxtinə bel bağla sən,nə zərə,

Zəhmətinlə uğur qazan,gəlməyəsən nəzərə.

=

Paxıl insan yaxşılarçün bir milçək,

Tanrım onun gözlərinə sən mil çək.

=

Savadın ,biliyin varsa da başda,

Bir az tez,bir az gec olarsan başda.

=

Yaşa doldun,əzaların aşındı?

Hünərin var dərə-təpə aş indi.

=

Qocalanda arsızlığı buraxdınsa yaxına,

Fərq eləməz,saçlarına rəng qoyursan ,ya xına.

=

Kasıb bir koma tikdi,sevincindən uçurdu,

O komanın da damın güclü külək uçurdu.

=

Əgər zatı qırıqsa tanış olduğ(un)uz kəsin,

Dərhal uzaqlaşaraq ,onla salamı kəsin.

=

Əgər doğma yaddaşa ,dönər onda yad daşa,

Bu sözləri oxuyub,sən həkk eylə yaddaşa.

=

Kim ki,yaratdığın(ın) üstündə əsər,

İnanın, alınar bir gözəl əsər.

=

Yar yarına gərəkdir hər cəhətdən yaraşa,

Lazım gəlsə yarı üçün dağ-dərəni yar aşa.