Vurulmaqçün adi,cansız bir daşa,

Gərəkdir qəlbində məhəbbət daşa.

=

"Mən heç kimdən qorxmuram"- göyürdü sinəsinə,

Arvaddan qorxub evə ,gəlirdi sinə-sinə.

=

Yaltaq razı olar hər cür təhqirə,

İstər ancaq yaltaqlana,tək girə.

=

Çay kənarı,bir məkan,qulluq et,bağ-baxçaya,

Ömrün ahıl çağında,otur bağda...bax çaya.

=

Kaş ki,ailədə kimsə işləyib,pul qazana,

Heç bir ailə baxmaya mətbəxdə boş qazana.

=

İşi qorumaqdı ədalət,haqqı,

Həm maaşı vardı,həm aylıq "haqqı".

=

Birinə alçaqlıq gəlirsə gendən,

Uzaqlaş yanından,gəz dolan gendən.

=

Önəm versən həm təhsilə ,həm işə,

İnanginən, ruzun olar həmişə.

=

Kim ki,olsa vəzifə ,pul hərisi,

Rüşvət ilə görəcəkdir hər işi.

=

Yaltaqlanmaq yeni forma ,hal aldı,

Haram çörək yeyənlərə deyirlər ki,"halaldı".

=

Çoxları çalışır "göydələn " tikə,

Bu biznes ən pullu,ən yağlı "tikə".

=

Xöşbəxtlik diləyirəm hamının oğul -qızına,

Kaş ki,bütün ocaqlar körpələrlə qızına.

=

Hər övladın qoy olsun ata adlı bir dağı,

Atalarsa görməsin heç bir vaxt övlad dağı.

=

Bir məclisdə sən əgər görməsən diqqət yeri,

Orda qalmaq mənasız,dərhal uzaqlaş...yeri.

=

Dostun dara düşəndə kömək elə,yan keçmə,

O zaman yansan belə,şərəf olar yan-keçmə.