Bəhmən Vətənoğlu - Ay baba
Ədəbiyyat
12:07 / 08.04.2026
Baxış sayı: 183
Dünyaya gözümüz baxandan bəri,
Dövran başımızdan vurur ,ay baba.
Qizil düşgünləri,pul düşkünləri,
Göyü didir,yeri cırır ,ay baba.
Qazancı xeyrinə bol yazanların,
Hamını özünə qul yazanların,
Sənə neçə axça pul yazanların,
Nəsilləri hələ durur,ay baba.
Rüşvətsiz qələm çalmayanların
Vicdanı ,insafı olmayanların
Sənin salamını almayanların
Nəvələri bizi qırır,ay baba.
