Dövran özü çəksə də həsrət sənə

İstəmirəm ki,verə zəhmət sənə

Sabira,olsun yenə rəhmət sənə-

Hər gecə min qan eləyən puldu,pul,

Aqili nadan eyləyən puldu,pul.

Hər kimin ki,pulları əskik gələr

Üstünə dağdan da ağır yük gələr

Pullu kəsin daz başına tük gələr

Səhranı bostan eliyən puldu, pul

Dəşti- gülüstan eləyən puldu ,pul

Bir avaranın avara şerini

Taleyi kəm,bəxtiqara şerini,

Mənası yox,cızmaqara şerini

Dillərdə dastan eləyən puldu,pul.

Cəhd elə çoxlu pulun olsun ,bala,

Öz cığırın,öz yolun olsun,bala

Yoxsul olanlar qulun olsun,bala

İnsanı insan eləyən puldu,pul

İnsanı şeytan eləyən puldu,pul