Ağaevli Əli Hacı - YERİDÜ ( Qəzəl)

Ədəbiyyat 10:00 / 09.08.2026 Baxış sayı: 122

Gəl,qoşul canıma canan,bu canım can yeridü

Çəkib həsrət üzünə,sən təki canan yeridü !

 

Yol çəkir sən tərəfə,əsirdi bu əl-ayağım

Çox da baş ağlın məkanı,ürəyim qan yeridü !

 

Od vurub nazın ilə,yaxma məni odlara sən

Bil,könül sevgilərə,eşqlərə meydan yeridü !

 

Açılan hər səhərə,gecənin öz ağrısı var

Üzünün həsrətinə,gözlərim ki,dan yeridü !

 

Çəkmə o,qaşlarını,kipriyindən ox gələcək

Yaxın gəl Şeyximizə,sən də ona yan,yeridü !