Əbülfət Mədətoğlu  -DEYİRƏM

Ədəbiyyat 21:29 / 08.08.2026 Baxış sayı: 490

Mən qısqanc  deyiləm  kədərə  qarşı

Ona bəh- bəh ilə  canım  deyirəm !...

məni  gecə-gündüz  yaxdığın  odda -

Səninlə  bərabər  yanım!- deyirəm

 

Mən ki  keçməmişəm  Birin yerinə 

Ziyarətgah  olan  Pirin  yerinə

Sən  elə  dəymisən  şirin  yerinə -

Donub  ürəyimdə  qanım!-  deyirəm..

 

Görürəm  seyrəlib sağım,  həm  solum

Boşalıb  həm  gedən, həm  gələn  yolum..

Düşübdü  yanıma  Allah  sol  qolum -

Hanı    qoldan  tutan  xanım? -deyirəm