Adil Şirin - Talesiz bir adamın

Ədəbiyyat 12:22 / 15.02.2026 Baxış sayı: 382

* * *

Talesiz bir adamın

Ömrünə yazdıqları,

Xeyirə yozduqları,

Necə oldu, İlahi?

İllərlə saya gəlməz,

Qəm daşıdı ürəyim.

İllərlə acı dadıb,

Havam, suyum, çörəyim...

Yaşıl uşaqlığım başı havalı,

Gəncliyim nar çiçəyi- qara sevdalı.

Dərddən sərxoş miyanə meyxanələr,

Qan, yod, ölüm qoxulu xəstəxanələr...

Qandallar, dörd divar, həbsxanələr...

Taleyimə yazılıbmış gör nələr...

Dünya bu imişsə yaşamaq yetər,

Fələyin qarğışı ölümdən betər...

Adil Şirin