Rafail Inceyurd - Deyiləm...

Ədəbiyyat 12:03 / 19.04.2025 Baxış sayı: 1167

***

Başıma açılan oyun,

Mən sənin yiyən deyiləm.

İtin-qurdun qabağından

üz vurma, yiyən deyiləm.

 

Tanış gəlmir, bunlar tanış,

Sevməzlərim der ki, danış.

MƏN olan mənə varmamış

özümü öyən deyiləm.

 

Sevgisizlər pusar olsa,

Çörü-çöpü hasar olsa,

Saz sinəmdə susar olsa,

Sinəmə döyən deyiləm.

 

...Yol ver xoşa gələnlərə,

“Yox” de boşa gələnlərə.

Ya haqq, başa gələnlərə

başımı əyən deyiləm.

19.04.25