Sən də getdin...demək belə...

Sən də hamı kimisən.

Indi özgə bir limana

Yelkən açan gəmisən.

Ayrılığın nəğməsini

Yaxşı bilir küləklər.

Biz susmuşuq...halımıza

Qoy ağlasın mələklər.

Mən dənizi sevdiyimdən

Bizi sular ayırdı.

Nə biləydik,bu sevdanın

Üzü qəmə sarıydı.

Həsrət çəkib qılıncını,

Bu edamdan aman yox.

Göz yaşında boğulanın

Xilasına güman yox.

Nə fərqi var,lap istəsən

Hər günahı bəxtə yaz.

Daha yoxdu,gəmilərə

Əl eləyən qızçığaz...

Ha çırpınsaq,bir sahilə

Atmaz bizi dalğalar.

Bir əlindi,bir dizindi...

Bir də susan dörd divar...