Kəmalə Abiyeva : - BACARSAYDIM

Ədəbiyyat 12:44 / 12.05.2025 Baxış sayı: 1559

 

Saçlarımı yollarına sərərdim,

ayaqların inciməsin, ay ana.

Nəfəsimi küləklərə qatardım,

yanaqların inciməsin, ay ana.

Ay-ay, il-il doğranardım

mən ömrünə calanardım.

Saçlarının ağına

gözlərimin qarasını cəkərdim.

üzündəki qırışları

ürəyimin yanğısına bükərdim

bacarsaydım, ay ana.

Günlərimi bələdiyin, Yollarıma ələdiyin

Qayğının bir damlasına dönərdim,

bacarsaydım, ay ana.

dünya özu bircə damla

bil, qayğına dönərdi

bacarsaydı, ay ana,

bacarsaydı, ay ana...