Xəyalə Sevil : - Bilsən, nə qədər sözüm var,
Ədəbiyyat
10:19 / 14.04.2025
Baxış sayı: 1025
Bilsən, nə qədər sözüm var,
Sözüm var demək üçün.
Var gücümlə dirənirəm
Səni sevməmək üçün.
Xatırlayıb adını
Məndən keçdi deyirəm.
Hərdən bir cəsarət gəlir,
Deyirəm bir salam yazım-
Səhər tezdi deyirəm,
Axşam gecdi deyirəm.
Öz içimdə danışan
Deyingən qarı olmuşam.
Nə vaxt sənlə tam olduq ki,
Mən niyə yarı olmuşam?
