Yıxıldım üzüm üstdə,

Yer,mənə ağlamadı !

Asdılar sözüm üstdə,

Dar,mənə ağlamadı !

Məna var hər çalarda,

Boğuldum bu çalada !

Saldığım bağçalarda,

Bar,mənə ağlamadı !

Salavat çəkdim Aya,

Haqqımız gələ saya... !

İtibdir abır-həya,

Ar,mənə ağlamadı !

Hərə nəyəsə bağlı,

Sevdim mən də qış nağlı !

Dedim göyərsin ağlım,

Qar,mənə ağlamadı !

Dünya-qədim bazardı,

Al-veri bir azardı !

Bu bazara,söz ardı...

Var,mənə ağlamadı !

Məqama ün düz oldu,

Ay-para,gün-düz oldu !

Dağların bir ahına,

Gecəsi gündüz oldu !