Xanım İsmayılqızı : - QƏZƏL
Ədəbiyyat
11:20 / 14.04.2025
Baxış sayı: 1071
Ürəyimi sevirəm, onunla dəmlərim var,
Ürəyimi sevirəm, gör orda kimlərim var.
Payızdan yaza qonsun, tə ki qışa dönməsin,
Sağa-sola çırpınsın, bircə daşa dönməsin.
Hər dərdimi-sərimi sinəyə çəkdim elə,
Hamıdan gizlənəni ürəyə bükdüm elə.
Gözə görünməyənlə ürəkliyəm, barlıyam,
Mənim rəsmimi çəkən ürəyimlə varlıyam.
Yaddaşıma yazılan, ürəyimdən keçəndir,
Azadlığa çıxan da ürəyimə köçəndir.
Ürəyimi sevirəm, onunla dəmlərim var,
Ürəyimi sevirəm, gör orda kimlərim var.
