Nə yaxşı ki, bu şəhərin

Yağışı, küləyi var...

Yoxsa od tutub yanarkən

Kim kimə həyan olar...

Həyan olmaz kimsə sənə,

Əllər ciblərdə üzər...

Gözlər belə görməməkçün

Qara eynəkdə gəzər...

Keçər qara eynəklilər

Sağından və solundan...

Bu kora bənzəyənlərin

Kənarda dur yolundan...

Yollarını aç göylərə,

Hamıya ürək istə...

İlahiyə dua göndər,

Tutmağa dirək istə...

Tanrı, təkcə nəfəsini

Üzü bu yana döndər...

Həm yağışı, həm küləyi

Dər və ruhlara göndər...

...Küləyi sev, yağışa bax...

...Sənin də Allahın var...

...Hər gün Ay batandan sonra...

...Mütləqa Günəş doğar...