Qalaqlanıb, üst-üstədi qayğılar

Damarları sızıldayır çiynimin...

Adamların sayı qədər qayğı var -

Hamısı da ölçüsündə əynimin!...

Elə bil ki, yağış kimi ələnir

Elə bil ki, mən çətirsiz qalmışam...

Tay ruhum da qayğılara bələnir -

Mən onlara yaman mehir salmışam!

Öləziyib içimdəki çox istək

Qayğılardan hörülən tor sökülmür...

Mən ümidi ha bilsəm də son dəstək -

Qayğıların dişi düşmür, tökülmür!..

Qalaqlanan qayğılara baxdıqcan

Yuxum qaçır, hətta səbrim daralır...

Mən çiynimə olanları yığdıqca -

Hava indi bir az da tez qaralır.