Məmməd Qədir -Adam

Ədəbiyyat 19:34 / 26.08.2026 Baxış sayı: 136

 

Təcnis

Bilirsən canından dəyərli kimdi,

Canını canında can bilən adam.

Dərdini öz dərdi bilən həkimdi,

Ürəyi tanıyan, can bilən adam.

 

Ağladım güldükcə,- "çoxusu Allah",

Axı canımızın çoxu su...Allah,

Cana azar deyir çoxusu, Allah,

Bilməyən şeytandı, can bilən,- adam..

 

Məmməd, kaş biləydin Haqqın xətri nə,

Çox dəydik doğrunun, haqqın xətrinə,

Bağışla bildiyin Haqqın xətrinə,

Biz səni bilmədik, caan, bilən adam