Beynəlxalq mükafatlarının, üzvü olduğu beynəlxalq elmi təşkilatların adlarını sıralasaq uzun bir siyahı alınar. Qısaca deyim ki, onun Azərbaycan aydını olaraq, elmi araşdırmaları sahəsində təltif olunduğu saysız-hesabsız ödülləri həm də Azərbaycan adını qutsallaşdırıb. Bütün bunların fövqündə isə onun sadəliyi, dostcanlığı, insani prinsipləri durur. İnsanlara olan sevgisini yorulmadan, sevə-sevə izhar edir. Müxtəlif xarakterli insanları elə təqdim edir ki, həmin insana olan münasibət yaxşı mənada dəyişir. İnsan sanki yaxşılıqlar üçün doğulub, yaxşılıqlar nümunəsi kimi tanınıb, sevilib. Haqqında söhbət açdığım əziz qardaşımız, aydınımız Elçin İsgəndərzadənin bu gün doğum günüdür, yubileyidir. Sağlam canla uzun ömür diləyirəm. Qutlu olsun, Abi. Var olun!