Əşrəf Veysəlli· - HEYKƏL

Ədəbiyyat 10:02 / 15.03.2026 Baxış sayı: 123

 

Görcək, daşa döndü, heykələ döndü,

Keçdiyin yollara qondu bu heykəl.

Elə ki uzaqdan kölgən göründü,

Durduğu yerdəcə dondu bu heykəl.

 

Küləklər əlini saçına çəkdi,

Qalmadı şübhəsi, olmadı şəkki.

Onu belə görən zənn edəcək ki,

Əvvəli insanmış, sonluğu heykəl.

 

Gör onu ayrılıq necə sıxıb, gör

Gündüz vaxtın yoxsa gecə çıxıb gör.

Bir mənə yaxşı bax,- necə çıxıb gör

Sənin həsrətinin yonduğu heykəl.

2001-ci il.