Elnur Uğur Abdiyev : - Mən eşqimə təşnəyəm.

Ədəbiyyat 13:44 / 12.02.2024 Baxış sayı: 561

İçimdə dalğalar var,

Şahə qalxan,kişnəyən.

Eşqim məndən güc alır,

Mən eşqimə təşnəyəm.

 

Odur məni yaşadan,

Odur məni mən edən.

Ona sadiq bəndəyəm,

O mənə məndə Vətən!

 

Ömrün ləpədöyəni,

Öz gəmisin gözləyir.

Hər dalğa çırpınışda,

Sevgidən bir söz deyir.

 

Ümidliyəm nə vaxtsa,

Gün bu güntək uzana.

Hardasa azan gəmi,

Sağ gələcək limana!