Əbülfət Mədətoğlu : - Kür sahilinin ŞEİRİ

Ədəbiyyat 07:16 / 20.02.2024 Baxış sayı: 2392

 

Kür sahili ... sükut donun geyinib

Tənhalıq da atın çapır çay boyu...

Ürəyim də için-için deyinib -

Ötənlərdən izlər tapır çay boyu...

 

Pıçıltılar yüyrük qurur sahildə,

Baxışlar da ləpələrdə yuyunur...

Su üstünə qoşa kölgə düşəndə -

Bir məhəbbət hərarəti duyulur..

.

Mən yapışıb təkliyimin əlindən

Kür sahilin vərəq-vərəq çevirdim...

Susdum hətta, eşitməkçün dilindən -

O kür qızı , dəli kimi sevirdim...

 

 

...Bu qış günü ötənləri anmaqla -

Kürün yorğun çöhrəsinə su səpdim...

Burda batan səsi geri almaqla -

Bir ürəyi dinləməyə tələsdim...