Əbülfət Mədətoğlu : - Gəlmişəm...

Ədəbiyyat 09:45 / 21.11.2023 Baxış sayı: 3671

 

Yarıb qaranlığı, söküb dan yerin

Sənin səhərinə keçib gəlmişəm...

Vallah bir nəfəsə- içində tərin -

Gülüm, şəhərinə köçüb gəlmişəm...

 

Qəfil havalanıb axan ulduz tək,

Sahilə üz tutub baxan sal buz tək...

Sevən ürəyimlə tənha, yalqız, tək -

Sənə Qibləm! - deyib, seçib gəlmişəm...

 

Olub büdrək ayaq, əl, əsməmişəm

Sevib, sevilməkdə tələsməmişəm...

Hər an axtarmışam, gəl, səsləmişəm -

Bu fikri ömrümə biçib gəlmişəm!