Aşıq Alı - Dağlar
Ədəbiyyat
08:21 / 21.05.2025
Baxış sayı: 1485
Keçdim İstanbuldan, İzmirdən, Qarsdan,
Gəlmişəm dolana-dolana, dağlar!
Duman, çən libasın qaldır səmaya,
Aman ver müsafir dolana, dağlar!
Meylim olmaz el malında, qoynunda,
Yaz iqbahın, bir təşdid də qoynunda,
Yar firqəti qoymaz qalam qoynunda,
Hicrandan kədərlən, dol, ana dağlar!
Aşiqin Alıyam boylu, busatdı,
Bir dürriydim, həcər deyə bu satdı,
Üç ay dolanarsan toylu, büsatdı,
Xəzanda boş, yazda dolan, a dağlar!
