Əbülfət Mədətoğlu : - Edirəm...
![](/uploads/img/posts/2024/02/23/abul3jpg-1708668260.jpg)
Öz-özümlə söhbətdə
Günü axşam edirəm...
Gözlərimdə gecəni -
Yanan ağ şam edirəm!..
Tükəndikcə səbirim
Şaxələnir cəbirim!
Əl isitmir hənirim -
Boyat bir tam edirəm...
Ruhumdakı tərdimi?
Dərib günə sərdimi?!
Böyüdürəm dərdimi -
Onu adam edirəm!..
Düşməmək üçün gözdən,
Tonqal çatmaqçün közdən...
Özümü asıb sözdən -
Bəzən , edam edirəm!..