Demişdim bu quyu çox su aparar-

Apardı dolmadı -qaldı yarımçıq.

Qaldı şoran torpaq ağzı günəşə,

Qaldı suya təşnə , sinəsi qançır-

Belə-belə işlər Şakir Əfəndi.

Kölgədə,dəmyədə ağac böyüməz-

Böyüdü yarpağı payız xəzəli.

Sussus yarpaqların bənizi gülməz,

Budaqlar torpağa əyilən əli-

Belə-belə işlər,Şakir Əfəndi.

Sarı yarpaqların bənizi gülməz,

Bir az qəm bürünər,bir as da kədər...

Uzun yol gəlmişəm -ağlına gəlməz-

Üzü cəhənnəmnən -bu yerə qədər.

Belə- belə işlər Şakir Əfəndi.

Cəhənnəm odudu hər keçilən yol-

İstər dolayı get,istərsə kəsə.

Bizə kölgələrdə ağac böyüdər-

Əli hökmlülər-Məhəmməd , İsa.

Belə-belə işlər,Şakir Əfəndi.

Yüz söz söylənilər-çoxusu saxta,

Yüz fərman verilir-bir başa qulluq.

Cəhənnəm deyilən xaraba varsa-

Bura böyüyüdü, öyrən biryolluq –

Belə-belə işlər,Şakir Əfəndi.

27 mart 2025.