Qana bəliyiblər bizim elləri,

Qan deyir torpağı,

Daşı Vətənin.

Üzündə - gözündə qəm yuvarlanır,

Çəkir qovğaları başı Vətənin.

Şeytan ocağına, şər ocağına

Bəlli yelpiklərin küləyi gəlir.

Susuram,

sinəmi deşir ürəyim.

Dinirəm,

ağzımdan qan iyi gəlir.

Bu yurd

neçə dəfə qana çəkilib,

Quruyan dəniztək sinib özünə.

Axtarsan

Vətənin sərhədlərini,

Düş tarix boyunca qanın izinə.

Torpağı bölündü yağlı tikə tək

Bu millət içindən sındı beləcə.

Hər gedən

gecədə bir itiyi var,

Hər gələn

səhəri qandı beləcə.

Gərək qan bağlaya şairin sözü,

Sair əllərini qandan gen tutub.

Gör hası zamandı,

gör hansı vaxtdı

Mən qana çapıram,

məni qan tutub.