Bu dərd həm də bir qürurdur

Bu acı həm də şərbətdir

Bilirsənmi,

Ölümlərin ən alisi,

Ən ucası Şəhadətdir!

Nə mutlu Türkəm deyənə,

Nə mutlu azadlığını ölümüylə bəsləyənə.

Sən daşa bax məzar üstə

Zaman durub sifətində.

Amma yeriyir altında,üstündə

Məkan,zaman

O ölməyib, dipdiridir.

Dünya başına dolanır,

Çox diri ölülər

Bax bu daşın kölgəsində daldalanır.

Bəzən ölüm nə qədər də acı olsa

Gözəlləşir gözümüzdə,

Könlümüzdə.

Bu ölüm bir Səadətdir.

Yollar keçir göz önündən,

Dəvə belli hürgüc- hürgüc yollar,yollar.

Bu yolların dəvə belinin altında

Gör nə qədər dəfn olunmuş

Sahibsiz ayaqlar var.

Şükür,şükür,min-min şükür!

Hər birisi bir yol olan

Oğul doğdun,Azərbaycan!

Bu gün zaman

Bax o yoldan

Addımlayır mətanətlə.

Odlar yurdum,Ana Vətən

Ayaqdadır illər öncə

Şəhadətlə,səadətlə.

Bu Şəhadət,bu səadət

Sədaqətdir!

O sədaqət bu baş daşı!

O səadət bu baş daşı!

O şəhadət bu baş daşı!

Qarşısında baş əymək də

Özü eşqə ibadətdir!