Vətən-Bu beş hərfdən ibarət olan söz ürəkləri riqqətə gətirən, insanda ruh yüksəkliyi yaradan uca məqamlı məkanın göstəricisidir. Əbəs yerə deməyiblər ki, Vətənsiz insan qanadsız quşa bənzəyir...

Bir də o, ola ki, Vətəndə Vətənsiz olasan, böyüyüb-başa çatdığın elin, obanın, doğma Yurdun həsrətini çəkəsən-Xocalılar, Qarabağlılar kimi...

1992-ci il fevral ayının 25-dən 26-na keçən gecə mənfur yağı düşmən olan ermənilərin –o qarlı, çovğunlu soyuq qışgecəsində, qəfildən  Xocalını və orada yaşayan dinc əhalini-bacı, qardaşlarımızı silah atəşinə tutması, uşaq, ahıl bilmədən vəhşicəsinə onların canına susaması insanlığın rəzalətidir...

Xocalıların Vətən həsrətini,  ürək ağrılarını  hər  dəfə xatırlayanda  , onların Anım  tədbirlərin də qonaq olanda  göz yaşlarıma hakim ola  bilməmişəm.  Onlar keçənləri xatırladıqca düşünürdüm ki, bir vətənpərvər şair Nazlı Yazar olaraq “Qan Yaddaşım Xocalı!” şeirimlə  sanki mən də orda olmuşam. Mən bu şeiri niskil dolu notlarla başlasam da nikbin ruhda bitirmişdim. Və  vurğulamışdım ki,   ki, bəli, biz mütləq Xocalıya qayıdacayıq!

Bəli , Allah Xocalıların qisasını qiyamətə  saxlamadı!  2023-cü ilin oktyabr ayında cənab Ali Baş Komandanın  əmri  ilə  həyata  keçirilən  antiterror  əməliyyatı  ilə  Xocalıda, Xankəndində üçrəngli, ay ulduzlu, şərafətli bayrağımız dalğalandı!

2024-cü il 07 fevraltarixində keçirilən Prezident seçkilərində Qalib Xalqımız  İlham Heydər oğlu Əliyevi yenidən Ölkə Prezidenti, Ali Baş Komandan seçdi.

Həmin seçkilərdə Xankəndində  bir vətəndaş olaraq iştirak edib  səs  verən   cənab İlham Əliyevin bir çıxışı lap ürəyimcə oldu, mənə fərəh verdi.

Cənab İlham Əliyev dedi:     

“Mənim Xankəndində qutuya atdığım adi bülleten deyil, erməni separadçılarının tabutuna vurulan son mismardır!”